To establish Dzomo la Mupo in all working areas www.thedzomolamupo.org
Mupo ndi tshithu tshinwe na tshinwe tshi songo itiwaho kana u vhumbiwa nga zwanḓa zwa muthu, zwi nga vha zwi zwa fhano shangoni kana tshikhalani
Dzomo ḽa Mupo ndi mini?
Ndi dzangano ḽo vhumbiwaho hu u itela u ambela na u imelela zwithu zwoṱhe zwa mupo ngauri zwoṱhe zwi na pfanelo ya u vha hone shangoni. Heḽi dzangano ḽi tevhela mvelele ya Vhavenda.
Mupo u tea u tsireledziwa, u bva kale na kale vhomakhulukuku vho ṱhonifha mupo .Ri zwi guda nga mupo u re zwifhoni, vhomakhulukuku vho ri zwifhoni a hu renwi miri ya hone,zwipuka na zwikhokhonono zwire zwifhoni a zwi vhulawi, ngauri zwifhoni ndi hayani hazwo.
DZOMO ḼA MUPO ḽi tsireledza mupo nga uri ndi vhutshilo. Ḽi tsireledza maroroma, zwisima,milambo, dzithavha,dziphukha, zwikhonono, zwikokovhi,zwiṋoni na vhutshilo hoṱhe vhu re kha maḓaka a Tshivenda.
Zwifho na zwiendeulu , ndi mvelele ya vhavenḓa na zwone ḽi a zwi tsireledza u ri tshirunzi tshazwo tshi si shandukiswe zwa vho nyadzea.
Dzomo ḽa Mupo ḽi tsireledza mupo na nga u vhulunga mbeu na zwiṱavhiwa zwoṱhe na zwiḽiwa zwe zwa tumbuka na tsiko ya vhomakhulukuku washu.Zwiḽiwa zwa tshivenda zwi liṅwaho nga mupfudze thukhwi na khwakhwa ,Dzomo ḽa Mupo li tsireledza zwenezwo u ri zwiḽiwa zwi re na pfushi zwi si ngalangale. Mushumo wan deme wa Dzomo la Mupo ndi u ri Venda li dzule li la ha Tshikamuroho, li sa ladzi nwanan na ndala, ri tsireledza mupo na nga u shumisa dzimbeu dze vhomakhulukuku vhashu vhavha vha tshi lima dzone. Hezwi zwothe ndi vhumatshelo ha zwiduhulu na zwidulwana zwashu. Vhomakhulukuku a vhongo tshinyadza mupo, vho ṱhonifha na zwiilaila zwidaho na dzikhalanwaha
Dzomo ḽa Mupo ḽi vhulunga na u rathisela nḓivho iyi kha mirafho I ḓaho ya vhana na vhaḓuhulu uri mvumbo ya Muvenda I si xele.
Dzomo ḽa Mupo a si dzangano ḽa polotiki,a li ṱaluli muthu , ḽi tou thusana na dzwinwe tshaka dza ḽifhai ḽothe uri nḓivho ya vhongwaniwapo ya zwa tsiko na mvelele yavho i si xele.
Mushumo wa Dzomo ḽa Mupo ndi mini?
Dzomo ḽa Mupo mushumo muhululwane we ḽa sedza wone ndi u tsireledza mupo na u tikedza uri vhushai vhu fhele nga u ḓi bveledzisa nga nḓila i sa vhaisho mupo. Dzomo la Mupo ḽi tikedza u ri vhathu vha ḓi bveledze nga vhutsila vhunzhi ha mvelele he vhomakulukuku washu vha vhu tumbula.
Dzomo la Mupo ḽi tsireledza miri ya tshivenḓa. Miri a i renwi, muya mufhe u do bva ngafhi arali ra remekanya miri?Rine vha Dzomo ḽa Mupo ritutuwedza u tavha miri ya Tshivenda.Miri iyo ri a pfumbudziwa u ri ri vhe na zwiraba zwa miri iyo. Zwiraba zwa Dzomo ḽa Mupo zwi bva kha mbeu, ri na ndila ya u dombela mbeu dza miri ra dzi tavha nga khwakhwa.Dzomo la Mupo a li tendi kha u tupula tshimedzwa dakani kana u kumbela mbeu dza miri muthu a rengisa idzo mbeu.Dzomo ḽa Mupo ndi la u tsireledza mupo.
Ndi wone mulayo wa Dzomo ḽa Mupo, wo di sendekaho nga milayo ya u tsireledza zwifho. Dzomo ḽa mupo li tsireledza mupo ,tshi khwathiswa nga (IUCN Sacred Natural Sites: Guideline forProtected Area Managers) ye ya rwelwa ṱari ngei Spain Barcelona nga IUCN nga 2008 na nga ndawotewa ya South Africa.
Nne ndi muraḓo wa Dzomo ḽa Mupo. Ndi dzone nayo (foot print) dzanga dza u tsireledza mupo.
.
DZINA………………………………………………………………………………………………………
ADDRESS………………………………………………………………………………………………….
…………………………………………………………………………………………………..
………………………………………………………………………………………………….
PHONE NO……………………………………………………………………………………………….
SHANGO…………………………………………………………………………………………………….
DATE OF BIRTH……………………………………………………………………………………………
DATE……………………………………………………SIGNATURE…………………………………….
MBOFHO
Nne…………………………………………………………………………… wa ID NO………………………………………………….ndi khou ḓi vhofha kha mulayo une Dzomo la Mupo ḽo ḓi sendeka ngawo.ndi do dzhenelela kha tshumelo iṅwe na iṅwe. Masheleni othe ane nda a nekadza kha dzangano thi a vhili murahu naho nda nga ṱutshela dzangano.
Kha dzangano ri ya edana. Ri ṱhonifha mahosi na vhaaluwa ngauri ndi mvelele ya rine Vhavenḓa.
Ndi murado wa Dzomo la Mupo, a thi di hudzi, a thi ṱongeli vhaṅwe, ndi ṱhonifha muthu munwe na munwe.
Mafhungo a mahayani ha dzheniswi kha dzangano. Arali huna thaidzo henengeyo mahayani kha zwitshavha, thaidzo a I tandululwe henengeo mahayani zwi songo ḓiswa kha dzangano.
Mafhungo a dzangano ha bveli nga nnda ha dzangano, a dzula kha dzangano ari tei u apfa mahayani.
Huna zwine a thi zwi pfesesi athi tou sola kana u ya u hasekanya mafhungo na shango, ndi tou u ya nda dzula na komiti nda bviselwa khagala.
Ndi ḓo vhidza vhaṅwe uri vhavhe miraḓo, uri rivhe vhanzhi kha dzangano u ri dzangano ḽi aluwe.
Nda sa tevhedza hezwi zwoṱhe zwo bulwaho hafho nṱha, ndi a pandelwa kha dzangano ndi si tsha vha murado.
SIGNATURE……………………………………………………DATE………………………………….My contacts details:
Send your details to mupofood@gmail.com , we shall send you a memebership form to fill in.
……………………..
